عن مهنة الصحافة والأرزقية

الناس بتفرح بينا كصحفيين ، فاكرة يا ما هنا يا ما هناك..متعرفش ان الحقيقة إننا احنا اللى محتاجينهم عشان نثبت كل لحظة أن وجودنا له لازمة ، وأن فى مننا حياتهم مبنية بشكل ما على حياة البشر وحكاويهم ، وقصصهم المليانة بالتفاصيل اللى بتبهرنا ، وبتملى خيالنا ، أحنا والله غلابة قووى ومش تواضع ولا انكار ذات ، أغلبنا فعلاَ أرزقية ، وزيه زى اللى بياخد على كتفة حبة الملبس ويلف بيهم عشان يطلع برزقه فى اليوم، أحنا كدة برضه ، وربنا بيرزقنا الحمد لله ،محدش يفتكر أن الصحفيين دول ياما هنا يا ما هناك..فى ناس أتحولوا كدة مع الوقت ، لإن معاملة الناس ليهم غرتهم بأنفسهم ، بس كمان فى ناس لسة محافظة على حبة البياض اللى جواها ، وبتحاول تتغلب على مغريات ، انا واحدة من الناس اللى مصدقة أن المهنة دى فيها المحترمين كتير بس مش ظاهريين ، وأن الفرصة الحقيقة للصحفيين النضاف ، المؤمنين بأن الإنتصار الحقيقى للصحفى من الحكايات "العادية" والبسيطة من الناس، ويمكن يكون صحفى 

"علاقاته" بتوصله بالرئيس والسلطة ، لكن مش هو ده المعيار الحقيقى.